4 Eylül 2013 Çarşamba

Di bin siya dara Biyê de, li ber çemekî, li kêleka Rê


Ew xeyal û xewneka min e. Xeyala min e ku ez li dereka wihanî rûnim û geh guh bidim ser gujeguj û ximexima avê, geh çav bidim rêwîyên ku di rê re derbas dibin. Em bi rêwiyan ve silavê li hev bidin qal û bal de deng bikin. Geh têkevim xewnên ku bi gujeguja avê ve min di ser çiya û deştan re, di nav newalan re kaş dikin dibin her cihê ku çilkên ava çêm digihîjin. Va dera jî ji min re hinekî ew cîhê ku di xewn û xeyalê min de ye. Da ku ez di rêwiyên bi bihorîna dem û dewranê re di hindê min re derbas dibin re qal û bal de tiştinan bibêjim. Ez ê carcaran payî û hişyar, carcaran ber xewan ve, pesta ve ji rêwiyên ku di hindê min re radiborin, ên li hindê min disekinin re tiştinan bibêjim. Carcaran jî ez ê bi çerxa felekê ya di nav taritiyê de wenda dibe re, bi ava di kêleka min re dibuhire re bibêjim, dibe ku Feqiyekî Teyran guh bide ser gotin û tiştên ew di xwe de vedişêre.
Ez çend rojan li vir, li vê siyê rûnim, çend rojan tiştinan bibêjim, silavê li rêwiyan bidim, nizanim. Lê heta ku hewesa dilê min vemiriye ez ê li vir tiştinan bibêjim.
Li ser Xêrê be.

Hiç yorum yok:

Yorum Gönder